أنا مش راجع
بقلمي الشاعر محمد عبد العزيز رمضان
أنا مش راجع
أنا مش راجع
مهما تقولي
أنا روحي معاك
أنت رمتني
في بحر مواجع
فاكر إني
بدوب في هواك
عامل نفسك
مشغول بيا
أنت ناسيني
وأنا ناسياك
لو يوم ترجع
أنا مش هرجع
أصل تعبت
بجد معاك
ياما اديتك
مليون فرصة
ياما صبرت
عشان بهواك
ألف خسارة
طلعت أناني
رغم وعودك
مش بلأاك
ضحكة وكلمة
ونظرة خدتني
في توهه وحيرة
وأنا ويياك
قلبي ناداني
وقاللي تعال
قلت يا قلبي
أنا مش سامعاك
ليه بتصدق
كل كلامه
بص خصامه
لفين وداك
يا حبيبي
بقولك ماشي
ما تستناشي
أنا بتحداك
ليست هناك تعليقات:
إرسال تعليق