قصيدة بعنوان
(لو بإيدي؟؟؟!)
لو بإيدي كنت عملت
لك عقد لولي من
نجوم السما وجبتهولك.
لو بإيدي كنت جعلت مني
خادم حرس شرف ليك
وأقف بطولك
أحرسك من أي همسة
هوا تلمسك أو تجرح
خدودك.
لو بإيدي صنعت من شمس
الصباح تاج تلبسيه ينور
دروبك......
لو بإيدي عملت لك
حاجات كتير.
منها المحبه ومنها عشق
ومنها السعاده ومنها فرح
ماينتهيش لما في يوم تدبل
ورودك.......
زعلانه ليه.....
ومقموصه ليه.
وشايله طاجن ستك
على راسك......
من الهموم.
أنا كنت إيه في حياتك.
غير بند في
بندووك........
أنا كنت إسم بيتمحي.
وبتذكريه وقت مايجيلك
الهوا وبتشطبيه.
أو تركنيه على رف
مهمل في الدولاب.
وبتخلفي ديما وعودك
وتطنشي أو تعملي
مش وخدا بالك
وأنا بتحرك من جواي
طواحين بتاكل بعضها
وتروس بتهلك نفسها
وغربه سعرانه
بتنهش لحمي
وروح ساكنه جواي
في الجسد ماتت
ألف مرة.
من برودك.......
لو بإيدي........
فرشت لك روحي براح
وصنعت لك قلبي وساده
تستريحي لما تتعبي
من الشقاء وتنامي
جوا منه في ضلته
وتنسي هموم شيلتهالك
غصب عني
من يوم وجودك
لو بإيدي......
كل حروفي والقصايد
كتبتها كانت ليك
إنت منها ال
ومنها ال عقلي ولا قلبي
ما ينسهوش.
ومنها ال كان خارج
حدودك........
لو بإيدي......
25/4/2025
(بقلم /شاعر العاميه /خيرى حسنى)
ليست هناك تعليقات:
إرسال تعليق