و مرحبا يا صباح ...بقلم الشاعر عبد الله سكرية

 ومرحبًا يا صباحُ .

....21 آذار ...

سْقَى الله يا أمَّي، يوْمْ جَمْعِتْنا

حوَيْلا الجبنْ والشّايْ والزّيتونْ .

ما في بقى ، لا مَنْشَفي ولا صْحونْ ..

ومِنْ هالوَعا منْلُمْ كلِّتْنا ..

وما همْنا لا فزْلكي ولا دْهونْ ..

سْقى الله يا أمِّي ، يَوْمْ تِسْعِتْنا

نُقعُدْ بأرْضِ ِ الدَّارْ

بْفيِّةْ عريشِتْنا ..

أحْلى ، ونِحْنا زْغارْ

يا امي، الدَّهِرْ غدَّارْ

راحِتْ ليَالينا ،ِضاعَتْ أَمَانينا ..

ليْشِ الكذِبْ ؟

ويْنو هاكِ الخِتْيارْ ؟ يسمَعْ آخرةِ نْهارْ ..

لولادو..

بيْعَيْطوا لأمُّنْ ، والسَّقسَقة بْتُمُّنْ ..

والوَرْدْ كانْ ضِحكانْ

وليكي يا أمِّي الورْدْ شو دِبلانْ !!

وبِرْدانْ يا امي البيْتْ

يا رَيْتْ !!

كان العمرْ أحلى ونحنا زغارْ ..

صرنا يا أمّي كبارْ.

يا ريتْ نرجعْ متل ما كنّا .

نلتَمْ نتهنّى .. يا ريْتْ ..

عبد الله سكرية٠