* قصيدتي ( سامحيني يا أمي )
سامحيني يا أمي
يا أرضنا الطيبه
يا نبع من الحنان
حياتنا بدون وجودك غربه
يا أرضنا الصلبه
يا واحه من الأمان
رضاكي من رضي ربي
ضياكي في الظلام دربي
يا شاغله وجودي بحنانك
بيدق القلب علشانك
والله دعوه من قلبك
تهون الدنيا وانا جنبك
برك هنايا في دنيتي
في الاخره جنه الرحمن
يا أمي أنا ربي وصاني
بكلام للقلب ومعاني
في المهد كنتي شيلاني
في ميلادي ياما كنتي بتعاني
يا رب تكوني سمعاني
يا أمي يا كلمه جوايا
إحساسها ماشي ويايا
بتقولي يا ابني يا حبيبي
وتقولي يا ابني يا ضنايا
يعطيك من عمري وتتهني
وتنول في الدنيا ما تتمني
يا أمي كفايه أنا مش قادر
على رد جمايلك قولي حاضر
يا أمي كفايه أنا مش قادر
وحيات ما تعبتي في تربيتي
وشبابي وفرحي وبني بيتي
وحيات ما فرحتي باولادي
ودعاكي الحلو لاحفادي
سامحيني يا أمي سامحيني
وحيات إحساسي ونور عيني
وحيات تقصيري تسامحيني
ليست هناك تعليقات:
إرسال تعليق