أوراق غرام (760)
..............
ياما باكيت
بدموع شاكيت
جرحك مربط
ولا حد سامع وجعك
ولا أيد تطبطب
كان مالك إنت والغرام
والليل وأخره
وقلب لا حاسس هواك
رافضك في فرحه
مشاعره مش قابله تداويك
غيرك وساحره
أيه اللي نابك من السهر
والليل ناسيك
حتى إبتسامته بيداريها
عن عينيك
إنت اللي بس بتعشقه
وهو مجافيك
إختارته تتعذب بأيده
أيه اللي بيك
حتى الكلام صدك وقالك
مش شاريك
دابت كرامتك مش باقيلك
ثوب كاسيك
لملم جراحك واللي باقي
حس بيك
حبر الروايه إنتهى وورقك ده ليك
لك يوم يجيك فرحه هنا
وقلب يراضيك
أوراق روايتك بين أيديك
جفف ماضيك
بقلم .. صبري رسلان
ليست هناك تعليقات:
إرسال تعليق