طرق الزمان بابي
انا قلت مين علي الباب
قالي انا الزمان
انا العجب العجاب
قولت له عايز ايه يازمن
ده انت اصلك سراب
بتعدي ومش بترحم
ومفيش حد منك بيسلم
مهما بعد او غاب
سنة وراها سنة
وتلاقي الضهر انحني
والشعر الاسود شاب
ملكش كبير يازمن
يامفرق الاحباب
بتدور بينا
واحنا معاك بندور
من غير سفينة
بتعدي بينا بحور
يوم ضلمة وألم
ويوم يشرق علينا النور
ويوم حزن وشجن
ويوم فرح وسرور
اسمع يازمن كداب
انا مش هفتحلك باب
انا عايزة اعيش شباب
مش كفاية صدقناك
وعشنا عيشة الأغراب
واخرتها ايه ؟؟؟
سؤال يحتاج الجواب!
وسلامتكم
بقلم نادية عبود الخربطلي
ليست هناك تعليقات:
إرسال تعليق