شك و غيره (715)
...............
هنلف ندور على بعض كثير
قول أيه جواك
مش طايق تقعد ويايا
والحجه تجيب الف روايه
والبيت وهجرته لسهرايه
ودي مين شغلاك
عويدت العين تبكي نصيبها
وبتشكي الليل فينه حبيبها
والغيره دي نار واكله قليبها
والخوف من بكرة إنه يسيبها
ساجنه لك في ورود بساتينها
حرماك تتهنى بلون ليلها
فكرها ملكاك
تحلف لها وهم ما هتصدق
وغرامها في قلبك ده معتق
والروح عشقاك
عايشه لنا في دور المظلومه
ودي صابره عليك جدران طوبه وأخريتها قساك
من نظرة وهمسه الشوق سلم
حسيته في حضني بيتألم
والدمعه فى عينه هتتكلم
لا أنا وأنت ملاك
بيعدي يومين قالب وشه
صعبان على نفسه إنه بغشه
ومريض بالوهم وليل شكه
هادد جدران أمنه وعشه
وإختار نسياك
بقلم .. صبري رسلان
ليست هناك تعليقات:
إرسال تعليق