كلام دراويش
***********
اشعار / ياسر عبد الحميد
_________________
حق الفقير ضايع
و الصدقة واجبه عليه
مين اللي كان بايع
و غيره شاف بعنيه،،
و من ضريح الفقير
خارج شعاع من نور
و اتلمت الاوليا
شافوا المقام مكسور
لفوا بإديهم شاش
علي حبهت المسكين
مستني ايه يا حزين
و الارض تحتك بور
كل اللي قدم عطايا
كان الناتج،، اعلام
فرضوا عليه الوصايا
غرق في حاله و نام
حق الفقير كان حكايه
و الفعل أي كلام
بين طبالين او بغايا
عاشوا ف ضلال خُدام
و التتر قبل النهاية
يا فقير ما فيش احلام
و اتجمعوا الحرافيش
علي حزب سيدهم
سمعوا من الدراويش
كل اللي ح يفيدهم
كل المصالح بتتصالح
مع الفالح واللي معاه
و انتوا اللي عايشين
في ليل كالح و احوالكم
تصبركم يا حول،، الله
و الدنيا فيها اقدام
لكن ما بنشوفهاش
فيها الفقير مِنحاش
و التاني زاد في غناه
______________
ليست هناك تعليقات:
إرسال تعليق