زجل
( سؤال بالشعرية )
شيوخ الأزهر فيييييين؟
عايزين نعرف رأي الدين
في: المثليين والليبرالية والليبراليين
والحرية المطلقة مداها لفين ولمين؟
والشيوعية والإشتراكية
والعلمانية والديمقراطية
والرأسمالية؟ وإحتكار البني آدمين
شيوخ الأزهر فيييييين؟
عايزين نعرف رأي الدين
في:
راجل بيلبس حلق وياكل م الخنزير
ويلون
شعرالراس ويعمل ديل حصان وحمير
وفي:
بنت بتكتب شعر مجون للشهوة وللتعبير
وبالسر تكلم واحد وتقوله: السر في بير
وفي: ناس بتاكل حرام .
وأما بتتصاب؟
يقولوا: إصابتنا منين؟
شيوخ الأزهر فيييييين؟
عايزين نعرف رأي الدين
مش طالبين
أجوبة في سياسة في بلاد المسلمين
لا قلنا:
جهاد ولا ساسه ولا مين الإرهابيين؟
إحنا زباين جاهلة وبتمشي تحت الرجلين
عشمنا في:
نهاية الرحلة حتة من الجنة ولو؟ مترين
أرجوكم ردوا علينا
في: الراديو أو في: التليفزيون
خلاص .
إحنا إتربينا ع الخوف ومش فاهمين
شيوخ الأزهر فيييييين؟
عايزين نعرف رأي الدين
حربي علي
ليست هناك تعليقات:
إرسال تعليق