بقايا حب (701)
.............
قلوب حاسينها خانوا عيشنا
وطاعنه الحب مبتسمه
لا دوقنا الفرح في لقاهم
وفاتوا قلوبنا منكسره
لا لينا فى قال ولا قولنا
وفجأة وزادوا في حمولنا
طريق مسدود ما له آخر
وزرع الشوك سقاه دموعنا
رجعنا نداري في وجعنا
ونقفل بابنا بوجعنا
لا يوم وسليمنا من نارهم
وداسوا رمادنا وإتهانا
مشينا سنين بنتخبط
وأيد لألمنا بتخطط
حروف كاتبينها بدموعنا
وليل بالغدر متحوط
نسيم الفرح غاب وده
وضي الشمس داب وعده
لأمتى نداري ونخبي
وفين الحب ليه نعدوا
نلاقي قلوب بثوب طيبه
في ضحكتها ترد الروح
وفارده فى عطره وورده
بقايا لحب بقى ماضي
قفلنا فى بابنا لا يعوده
بقلم .. صبري رسلان
ليست هناك تعليقات:
إرسال تعليق