.... ضفدع وبرص ....
*****************
لما النمرود بنى بنيانه
وطاوعوه سفلة هناك كفار
ورموا بنبي الله وخليله
في قلب جحيم النار أقذار
لكن شاء الله لنبيه
ماتمسوش م النار أضرار
كان الضفدع بيجيب ميه
في بقه عشان يطفئ النار
أيه راح تعمل مالية بقك
ميه فى وسط حريق ودمار ؟
قال أهي حاجه تورث لمحبه
وتتوارثها اجيال واجيال ..
أما البرص ففيها بينفخ
مش متخفي جهار نهار
أيه راح تعمل نفخة برص
وكده كده قايدة انا محتار
قال أهي حاجه تربي عداوة
للذرية كبار وصغار ؟
أي والله صدقت القول
انت وضفدع في الأزمان
كل الناس بتحب الضفدع
وله بتنجي من الأخطار
أما البرص فلما تشوفه
تلقى الشبشب على طول طار
علشان يقتل برص معفن
بيعين ظالم مع أشرار
حكمة وعبرة للي بيفهم
للي يمين مش للي شمال ؟
خليك زي الضفدع عمرك
وأوعى تكون كالبرص حمار
خلي الحق طريقك دايماً
وأوعاك يابني تشيل للعار
بكره الموت راح يحصد لينا
وهنتوارى عن الأنظار
خلي الناس وعليك تترحم
لو جت سيرتك في الأخيار
ولا يقولوا عليك من عملك
كلب في ( ٦٠ ) داهيه وغار
برص وضفدع صاروا حكاية
وفيهم الشعرا تقول أشعار ..
بقلمي .. الشاعر ياسر فؤاد الجدي
ليست هناك تعليقات:
إرسال تعليق