زجلية تحت عنوان :
شبعو فلوس***
شبعوا فلوس
ما لقاو بهم ما يديرو
صرفوهم في الزدحة حيت زيرو
الجهالة ولغا المسوس
دخاخنو في القلب دارت عش
صفات النظرة وطار لعمش
بنادم فاق ؤ عاق
من الازمة وضيق لحال ضاق
ما بغا ركزة ما بغا الراس لمفشوش
حلمو حياة نقية شريفة
يقضي ايامو بنادم لا جيفة
ؤ فين يرتاح هاني لا ميؤوس
ؤب سباب لمخ لبرهوش
عاد الحر مقصي مفروس
بل وسط الشلاهبية منقوص مرفوس
ؤ ذاك ل شبع مال
نسى ايام الزلطة والنعال
واخا جمع ما قنع ...
بقى جوفو مريض مغشوش
ولف لعلا وفي السفلي ما يشوف
في قاموسو هو عنتر والآخر محدوف
باين ليه غ راسو ...
وما تبقى زايدة وهيبوش
جمع السلطة والمال
حلل لحرام وحرم لحلال
عاد يسقي لبلاد باجنداتو وسمو المدسوس
شبعوا فلوس
ولاو من مترفيها
فسدوا لبلاد واستعبدوا ماليها
الفاحشة والرذيلة ...
ارى برع لهزان ولفشوش
شبعو فلوس
جمعوهم في لخناشي
ما دار بهم خير ولا بناو الراشي
طلاو الدنيا منكر ؤ ضاقت النفوس
ما كسبوا همة ولا شان
هذي لحقيقة فتمعن وافهم البيان
شبعان جايع
مخلوع من لفقر ولشيطانو راكع
كابر محروم طماع متعوس
واليوم دار لفلوس
عطاها للتعربيط
عفط على الضعيف وكملها بالتزعريط
عاد فعلو مقصود مخدوم ومدروس
شبعوا فلوس
من السحت ولحرام
دنسوا الربيع وهاجر لحمام
فرعون زمانو لِ في لخنز مغطوس
فسير بمالك دير لخير
بني الطايح ب لقلم لا ب البندير
خلي البصمة بالصالحات...
فهو لقبر تيتسناك ...
تخلي كلشي وراك ...
تدي كفن وويهزوك ف نعوش
شبعوا فلوس
ليست هناك تعليقات:
إرسال تعليق