سهارى الليل
خواطر أغاني الأسواني
الشريف_أحمدعبدالدايم
سهارى الليل احنا
نحب الليل احنا
ندوب في الليل احنا
مبالي الليل احنا
......
لفّينا فيه وفرحنا
لا فكرنا ولا حسبنا
وكمان بنرضى بنصيبنا
وإللي مكتوب لينا
سهارى الليل احنا
.....
الشعر والأزجال
وعشقنا الموال
وسنين على دا الحال
لا كَلّيَّنا ولا ارتحنا
ولاد الليل احنا
......
يما فَننَّا وفكرنا
ورقصنا افكارنا
هنفضل عاشين لكارنا
وربنا يسامحنا
مبالي الليل احنا
.......
لا بنتثائب ولا بنكسَّل
ولا بنمثل ولا بنعسَّل
الناس م العشاء تعسَّل
واحنا على ما احنا
سهارى الليل احنا
.....
مخلصين لهوانا
والمجاريح بتهوانا
بنترجم اللي جوانا
كلمة يزخرفها لحَّنَـة
سهارى الليل احنا
... . .
سوامرنا دايماً جايبة
صغار وكبار وشايبة
وتبقى قلوبنا دايبة
لا شكينا ولا بوحنا
ولاد الليل احنا
......
لفّينا بلاد وبلاد
مخلفناش ميعاد
ونجوم الليل شُهاد
علشان ما حد يفضحنا
سهارى الليل احنا
......
لما نلاقي جهدنا متسرّب
عالنوم والراحة نقرَّب
وبس ياجي المغرب
يدينا طاقة وشُحنة
ولاد الليل احنا
......
شِبنا في الفن وكبرنا
وكالشمعة نضيء لغيرنا
لأفراح الناس عبرنا
واحنا معدومة افراحنا
سهارى الليل احنا
.....
يما سهرنا ليالي
وقلنا القول الغالي
وعالحالة دي طوالي
وادينا صابرين عالمحنة
مبالي الليل احنا
ليست هناك تعليقات:
إرسال تعليق