وطني حبيبي
وطني حبيبي مابك تصغر
والأوطان حوالبنا بتكبر
وليه إنتصاراتك وذكرياتك
ليه تتركها وتهرب تبحر
فين أمجادك
اللي بنوها أجدادك
ليه يا وطني يومك أغبر
يا ما ويا ما تغنينا بيك
ويا ما كتب التاريخ وسطر
ماذا نقول لأجيال بتسأل
إيه غيرنا
سؤال حيرنا
ممكن حد بالخاطر يجبر
كنا فوق رايتنا ترفرف
واليوم تحت والدم بينزف
ولا حد فينا وقف يفكر
وطني يا غالي
يا كل أمالي
الى متى يا حبيبي
على الظلم بتصبر
فين الناس
وفين الإحساس
اللي كان فينا يأثر
العالم شايفينه بيداوي جراحه
وإحنا الوطن سامعين نواحه
ودموع آهاته القلب بتفطر
ليه يا شعوبنا
تضيع دروبنا
وبكل بلاهة إحنا بننظر
وطني يا وطني
من مراكش للبحرين
قول يا حبيبي
أنت فين
وليه يا حياتنا
تغادر تبحر
وسط عواصف
وريح قاصف
سفينتك تائهة
ومن دون ربان
في محيط تبحر
فين شهامتك
فين كرامتك
وليه بالنعمة
حبيبي بتكفر
ياللي موعود بالنصر والجنة
ليه تتخاذل، ليه تتمايل
ليه وليه خطاويك تتعثر
فين وحدتنا
اللي جامعتنا
وفين صرخات
الله أكبر
ضياع في ضياع
أصبحنا نعيش
وبقينا رعاع
شعب وجيش
وأختلط علينا
ملح وسكر
طعم حياتنا
مر وعلقم
وإحنا تائهين
ومش داريين
ع اللي بيجرى
وبنتأخر
وطني حبيبي
قوللي مالك
ياريت أعرف
اللي جرالك
مش كنت كبير
وكنا نغني أنك أكبر
ليه يا حبيبي
الأوطان بتكبر وبتتغير
وأنت حبيبي كل يوم بتصغر.
ليست هناك تعليقات:
إرسال تعليق