الذل و المذلول
------------------/
( الذل الخوف و الخنوع سمة من سمات الإنسان الفاشل
أمر ليس بالغريب كن قويا كي لا تأكلك الذئاب وكن حرا
فالموت لا يقتل الشهداء.!)
( زجل )
كن الذل.......ايجيب العز
كن اشريتو...براس مالي
مذلول من اركع و اسجد
لغير الله.....يطلب لعوين
كن الذل...............ايجيب العز
كن اشريتو بالدرهم و الريال
كن اشريتو بالأورو و الدولار
كن اشريتو بالفضة و الذهب
* اه منك يا رمال و يا وديان الصحاري.!
انت يا من باع الغالي والنفيس
و اشرى الذل من ظالم مغرور
راح أيباع من بايعو
شيطان انا منو هارب
آه من آه
من انسى اصلو خايب مشرار
ملعون ليل وانهار
عارف الذل عار
لا هو فارس يركب
على خيل يعثر وايطيح.!
لا هو صنديد بسلاحو ايكافح.!
يا الشاري كرسي بلا كرسي
عليه جالس يحكم باحكامو
يا فاقد صلة لرحام
زاد فالزحام ازحام
و الله قلبو لا ارحم
يا من صدق صدقة باطلة
ما تنفع في دنيا و لا آخرة
يا من ساق خرفانو
للذبيحة ياكل يتفرج
يضحك ضحكة مارد جبار
ما شاف شيوخ
ولا ادراري اصغار
يطفي بركان شاعل اجنابو
يا من قال أنا انا
أو من بعدي الطوفان
يا من حل فمو و اهرب
خلاها ليهم كَرفة أو صافية
* ناسي الزوبعة اتطل أُو ليه ماجية.!
اش حالك.؟
اش اخبارك؟
الله اعلم يا عربي.!
( مجرد همسات من واقع مر مررت بجانبه وسجلت منه
ما استطعت)
ذ/ العابد عبد الرحيم : 03/04/2024
ليست هناك تعليقات:
إرسال تعليق