زجلية تحت عنوان:
كلها ودينو***
كلها ودينو
ؤكلها ك بغى يصون عرينو
ؤ ما فرق الله الريوس غ باش ترتاح
فكلها ؤ ثوبو ...
ؤ كلها باصلو وطينو
عارفينو
ذاك لعدو خليل الشيطان
ل بغاها منكرات ورذيلة وطغيان
شتت لبيوت والدون معاونينو
عاد من دعاة الفساد والزنا والفسوق
باع حياتو ونخوتو ؤ عاد بوق
ركب الكبث مخرج حيت ناقص ...
ؤ نكر تربية الطيبة وباه حنينو
صبح ملقط ولعقلية ب لخماج عامرة
بالتشلهيب والعيب شوكتو هدامة ضارة
حْسَك جذور الصلة ؤ وهامو رابطينو
شادينو
من ودنيه ؤ بالزر راه يبلبل
يبات يحلم وفي لغد يبدا يطبل
شرع دروب التلفة...
وشعل النار بقوانينو
فين طالقونو
شدو لمشموت راه هبل
ظن الخلق بهايم ؤ زاد جفل
حارب الله ...
وخسر اخرتو ويقينو
ما بغينو
ما اخترناه ولا عرفناه
مطلي بالخبث ولد العامة والآه
بغى يخلي البصمة...
فنسى خوه وختو ...
ودهس الوالدين لِ مربيونو
ساعة الشماتة غ شماتة
هدام شناق سفاح ك تاتة
الشيبة لعاصية...
ودعاوي لبلا تابعينو
فحسب يا لحنش خمسة ورسا
راك تلًفْتي المركَد والمرسى
عاد راه راه ولغوت وراه...
قليل العفة حقير باش باع دينو
فعنداك يا الصادق من دعاة الفتنة
صون حقك ؤ رد لْبال إيلا تديك التلفة
ذاك لهدار راه خاوي...
وبالحكمة عابرينو
ركل كلاب الخبث وزيد
لدواخلهم كارمة سايحة زفت وحديد
فغدا كلها وحسابو ...
وكلها ودينو
ليست هناك تعليقات:
إرسال تعليق