أهرب أهرب ابعيد
-----------------------/
( لا يمكن أن ننسى دور الذكريات في حياة الإنسان قد تكون مؤلمة.. لكن الواقع والحاضر مفروض......الإنسلاخ عن الهوية
مؤلم والرجوع إلى المجد كفاح....لك حرية الإختيار كن عبدا
أو كن حرًا لك..! )
( زجل )
( بغثة إلتقينا وحكينا لبعضنا البعض )
--------------------------------------------
أهرب ابعيد واستنشق
ذكرياتك.!
و اخبرني عن الحاضر
لا.......تنقص
لا....... اتزيد
في...كلامك
* معروف ماضيك عندي.!
واللون باش ألبسناه
و اصبرنا صبر ايوب
ليام امشات أو جات
تطلع تهبط أُو باقي.!
بيني أو بينك.......المعنى
كيتشوفني القلب النغمة
تفهم اكلامي ترتاح
الحرف يشرح السر
اتذكر الامةوالتاريخ
اتذكر العز و الأمجاد
والفرحةفرحة اعياد
* كان الله به..!
لا تقتل الأمل في قلبك
كاين ما قبلك أو بعدك.!
اسطور فِ سجل مرسومة
تحكي مآسي بدمع سخون
تحكي تحكي تنعس ترتعش
والحنين حنة منقوشة عاليد
منقوشة نخلة
في
واحة عربية.!
واش انسيتي زنقة زنقة واليمن؟
واش انسيتي الفرات أُو دجلة؟
واش......انسيتي
ايفانكا
و زكاة المسلمين؟
واش انسيتي....هاكو اراوا.؟
واش انسيتي سيروا اجيوْا؟
( أشياء لا تنسى بطبيعة الحال تعيش بالذاكرة و ستبقى )
ذ/ العابد عبد الرحيم : 16/03/2024
ليست هناك تعليقات:
إرسال تعليق