قلبي على وطني
جنت احسبنك وطن ومعتز انا بيك
خيمه جبيره مضلله لكل من يغار عليك
وغفلة انبكت ياوطن والفرهدك منك بيك
باكوك غفله ياوطن وستباح منك غاليك
وصرنا مثل ريشه بنهر ياخذه ويرده جاريك
تعبان ابنك ياوطن محتركه روحه عليك
منين اجان الفلك شادهنّ دوم اشبيك..؟
لا اخو اليفزع لنا ولا منا اليمد ايده ليك
ضاعوا هلي يا وطن تيهوا خير البيك
ناموا على ضيم القهر وعيونهم تربي عليك
ايست كلش ياوطن من شفت ابنك يبوك البيك
والغريب اليتفرج علينا احن منا على باقيك
لمتَ تصحه ياوطن وزيح هم السابيك
وتعيد مجدك يا وطن وتنفض تراب البيك...؟
بقلمي فاضل علي العبسي
ليست هناك تعليقات:
إرسال تعليق