يا قدس يا مجروح
قل للحمام ينوح
بالك يرد الروح
لشعوبنا المقهورة
و ياغزة أيام وتمر
وياما التاريخ ذكر
في سجلاته من عبر
أنت اللي منصورة
بتكالب الاعداء
وخذلان الأشقاء
والدم لو صار ماء
ومهما نرى في الصورة
الجبن منعنا نهب
و الذل علينا غلب
كما الدود نحن ندب
وعايشين زي صورة
أنزف دموع بدم
لا أحد بك يهتم
اللي عندنا أهم
مسابقات وكورة
لو كان خبرتونا
على الطوفان ونشدتونا
قلنا لكم اتركونا
وبلاش هالفزورة
الاقصى إحنا عارفين
ولصياحه إحنا سامعين
ينداس بنعال ملاعين
وما جبرنا كسوره
شوفوا الأساطيل
وذراع العدو طويل
وما عندنا ليه حيل
وقلوبنا مكسورة
التحرير يبي رجال
ما تنشرى بالمال
وإحنا علينا بال
وإبليس حاز الدورة
ياغزة شن بنقول
اللي صار فات الهول
وإحنا بقايا فلول
وجناحنا مكسورة
منعوا عليك الماء
وإحنا من الحياء
ماقدرنا نقيم عزاء
لين نأخذ المشورة
يا أقصى يامسكين
مغرور بنياشين
على صدور متعلقين
و تحسابهم صقوره
جيوش وملايين
كما الخشب مستندين
باعوك دنيا ودين
وداروا العين العورة.
ليست هناك تعليقات:
إرسال تعليق