قصيدة بعنوان
(وجودهم؟؟؟؟!)
وجودهم في حياتنا
أكتر من وجود القلب
لما بيضخ الدم في شرايين
الجسم وأوردته.
وجودهم إستحاله
إنك تعيش من غيرهم.
أو يجي لك نوم.
ولو نمت تنام قلقان.
تفتش عليهم في
أماكنهم وآه لو غاب
واحد منهم وملقيتوش
تصاب الرأس بالهذيان.
هنا كان أحمد لسه
ماجاش أهز الراس
كام مرة وأحط الكف
على الخد
ومن جواك هاتتقطع
واستحاله على الوش
يبان وتقنع نفسك
بإن هما كدا
الصبيان.
وأتحمل مشغبات
الأمورة رزان.
ولو جوك تعمل إنك الجامد
صاحب القلب القوي.
ولو نايم يشوفوك نعسان.
آه من الأب لما بيسمع
صرخة إبنه من جوعه
أو مش قادر يجيب له
حقنه عشان مرضه لو
كان تعبان.
لو مش عارف أو مجربتش.
الأبوه إيه إسأل المحروم.
ال عاصي الزمن يديله.
وكان يتمنى حتة بنت لو
فيها من العيوب ألوان.
إسأل ال فايته القطر.
وما إتزوجش وكان نفسه
يكون أب ولو عنده
من البساتين بساتين.
أو مية فدان.
بدون أولاد محروم تعيش
غلبان.
هما البذرة ال من صلبك.
ومن دمك ومن قلبك ومن
روحك هما النبته ال بدأت
تثمر فرحه جوا الدار
تلاقيهم بيتعاركوا على
شيء تافه فاتموت من
القهر ومن الغيظ
فتعض على شفايفك
وتكتم حرقتك فيك
من تصرفهم
فالضحكه تعبي
الوش وجواك زعلان.
آه لو يكون لك إبن
وخطفه الموت من أحضانك.
بدري قبل لمعان الصبح
قبل مايشوف الدنيا
وهي بتزهزه له
تلاقي دموعك نشفت من مقل
العيون والقلب ال كان بيفرح
مات قبل مايكون.
وجودهم في حياتنا
هما وجودك وبدونهم ماليك
معنى ولا حرف ولا إسم.
ولا صوره متعلقه على الحيطان.
تلاقيهم معلقين صورتك
بعد ما الموت يكون خد منك
كل شيء فيك ويقولوا دا
البابا ال عمره ماحرمنا
من قوته كان يدينا اللقمة
من فمه ويبات جعان.
يمكن هما بيك مابيحسوش.
هي إيه تبقى الأبوه
ومعناها وعشان تعاتبهم.
فتسكت وتلوذ بالصمت
جواك وتطأطأ الراس.
وتتذكر أيام ما كنت
ابتعمله وإنت زييهم
وفي سنهم ما كنت إمغلب
الكل ومجنن الجن نفسه
فإتحمل دلعهم وشخطتهم
فيك ولا نستك الأيام
ونسيت زمان ما كنت بتنام
في الشارع وتاخد الريح في
وشك كما الشيطان.
ولا همك صوت أبوك ولا أمك
لما تناديك وفاكر نفسك
صاحب الشنب ال خط
وطول الليل عيونك مفنجله
تسمع حكاية أمنا الغوله
من الحكواتي سهران.
وعيشت طفولتك فخليهم
يعيشوا حياتهم بس خد
بالك عمر الصوت العالي
لا بيربي ولا يعلم وصوتك يعلى
على الفاضي والمليان.
صحيح بيتعبوا الأعصاب.
وعشان تتحمل فهدي
وإمسك الدفه بحكمة القائد
ال متنور ومتعلم تحلى
بالصبروخد لك حبة
لصداع الراس تعيش
في روقان.
وجودهم
5/9/2023
(ترنيمات وخواطر.بقلم..........)
ليست هناك تعليقات:
إرسال تعليق