قصيدة بعنوان
(كل ال كان منك؟؟؟؟!)
صحتك بإيدك.
والحزن ال في
لمعان عينيك
من ايدك.
والصاحب ال
يسيبك من فعلك
ومن ايدك.
الحب لو كان.
بيزرعه قلبك.
بتحصده إيدك
تحفظ كرامتك
ويكون ليك في
الهوا باع طويل
تحبها و حبك
بقطارة.
نقطة نقطة
تجري عليك
وتريدك.
توطي كما الخدامه
وتبوس إيدك.
تسايس وبتحايل
تعمل كما الأراجوز
وتتنطط على الأغصان
وتندلق وتريل
على اهدومك
تتدلع وتتغندر.
ويصبها غرورها
فترفع في العالي
مناخيرها
وترفع بدل الحاجب
حاجبين وتقول لا
كان من جنسي
ولا كان لي يملى
العين.
وتتلوى كما التعابين.
وفي آخرتها هاتسيبك.
الفعل ال بنقدمه.
بيكون بأفعالنا.
ومن وجهة نظري.
أنا عنوان لأمثالنا.
يخدونا لهم عبر.
ويتفننوا في الحسد
والحقد ال من جوا
القلوب عزالنا.
بتركنهم على رفك
بيبحثوا عنك
بإبره وبتغزلوا
في حالنا.
وأحوالنا.
ويخبوا ليك
غلطتك والمشكله
كلامهم على
أسيادهم في
الآخر بيوصلنا.
والفقر مش عيب
غنانا في تأصيلنا
وهو دا راسمالنا
جايز أكون غلطان.
وجايز أكون نسيان.
وجايز أكون
من عجزي.
ماعرفش ....
بكلامي أفيدك.
زرعك لوكان خير.
في ناس هاتتلوي.
وناس قلوبها بيضه
هاتدعي لربنا
يعطيك ويزيدك.
لسانك حصانك.
إن صنته قام
صانك وإن هنته
راح هانك.
والشينه مهما
إن علت هتلاقي
ال يعيبك.
لا بتعجب المعيوب.
ولا ترفع المنصوب
ولاتوزن المايله.
لو كفتك معدوله.
وكل الناس تفتكر
إنهم كانو سيدك.
سبحانه في مكانه.
عنده التدابير.
لو كانت صفحتك
بيضه هتلاقي
ال بيغير.
لو قدمت ما في
آخرك هتلاقي تقصير.
الدنيا صارت تنحني.
قدام خدامها.
وترمي بحمولها.
على ال ماهوش منها.
وال راميها بصرم.
تبوسوا من خدوا
تعملوا عيالها.
آه من الندم.
لو كان بيفيد.
كنت رجعت الزمن
مية سنه لورا.
وعملت كام عيد.
وحسبت كام
غلطة ومحيتهم.
من كتابي وبدأت
أهندم نفسي.
وأشوف في إيه
قصرت وأغير
قواعدي وأعيد.
لكن وإيه يفيد
النوح والبكا
على الأطلال
وال كان مكتوب.
على الجبين مكتوب.
لا فيها من غلب
ولاكان بإيدينا
مغلوب.
الحال هايفضل حال.
على الوشوش
مصلوب.
فاتعيش حياتك سكوت
من غير ماتشاور.
وتبقى من الكادحين.
ومن الارادة
متكتف و مسلوب.
وهنا في الحاله دي
تكون محبوب
ومرغوب ......
حتى لو كان
الكل بين الحروف
مرفوعه
وإنت الوحيد
منصوب .....
لو كان في
حسابهم قسمه
وطرح وجمع
حزفوك من
الجدول وركنوك
مع المضروب.
فافعلتك بايدك
تطاطي وتوارب
فتعيش على هواهم
تعمل فيها الفهمان
تعمل ليهم عنتر
هايحدفوك بالطوب.
فالاحسن عشان
ترتاح ياريت
تكون مغلوب......
29/9/2023
(ترنيمات وخواطر.بقلم..........)
ليست هناك تعليقات:
إرسال تعليق