بشعر العامية المصرية
بلسان فتاة
( تليفوني شتت_عقلي )
ارحموني من نفسي أنا تعبت خلاص
انقذوني من يأسي أنا احترت يا ناس
أنا محتاجه ارتاح
لا نت ولا إفصاح
ليل ونهار ماسكه تلبفوني في إيدبا
عيوني زغللت َمنه وناشفه منها الميه
****. ****. ****. ****
البيه اللي راح
وراحت أيامه
كان نفسه في جناح
ودا أقصى أحلامه
كوّن ثروته من حماقة عقولنا
لازم أخسره واقلل من دخولنا
الفيس وتويتر وكل اللي متابعنا
كلهم كسبانين واحنا اللي ضعنا
****. ****. ****. ****
موبايلي واخد عقلي ورايح بيه على فبن
كرهت الفيس ونفسي أكتب لكم سطرين
سطر أقول لكم فيه وداعا من كل قلبي
وسطر اعبر بيه عن شدتي وغضبي
سيبنالك سطرين اقفلي بلا. وهاتي
كفايه عليكي سنين ليل نهار بتهاتي
العشره الطيبه
والناس المخلصين
من شارع ابو الفدا
ومن حي الحسين
امتي نشوف كدا
حد ييجي يعين
و يدق باب الرجا
ويصلح ذات البين
****. ****. ****. ****
كرهت النت خالص
ونفسي ارتاح شويه
وانا ليا في المجالس
حاجاتي الخاصه بيا
الرحمه حلوه خالص دا أنا كنت مفتريه
آكل وانا ماسكه ف إيدي تليفوني عاده وغيه
لكن دلوقت انا تبت ولا قادره ابص فيه
من يوم ما شقيت وتعبت ولا مره اشتقت ليه
ارحموني .. انقذوني
خدوا مني تليفوني وريحوني يا ناس
ساعدوني ..خلوني
أجري ورا اللي آذوني بمسدس ورصاص
بسمع اغاني .. عاللي رماني ... والفيديو جاني ... وحارد تاني
وصوت أماني ... بالشكوى جاني . .
دا كل حلقه .. محيراني
****. ****. ****. ****
كسروه.. حطموه ما تخلوش ولا حته فيه
غرقوه ََ دشدشوه نسوني الخطر اللي فيه
خربوه.. .ادفنوه تحت الأرض باللي فيه
****. ****. ****. ****
يمكن تتغير حياتي وارجع هاديه زي زمان
وارد على أمي واخواتي واسمع أصوات الأذان
وادخل المطبخ بذاتي واعمل أكل أشكال وألوان
واحط الكبير فوق راسي واعامله معاملة الفرسان
واغير أسلوب حياتي مع أهلي و مع الجيران
موبايلي كان عبء عليا ويوماتي كان فيه الخسران
ضيع وقتي وحط عليا م الهموم أشكال وألوان
مش راجعاله ابدا تاني انتهى زمن الهوان
**************************
بقلم د / عبد الرحمن فتحي الحناوي.
من مصر.
ليست هناك تعليقات:
إرسال تعليق