قصيدة بعنوان
(لو كل الناس بتحب الناس)
لوكل الناس بتحب الناس.
كان كل الناس مدت إيديها
لبعضيها بسلام من جوا
القلب ولقيت الكل بإيدوا
بيشيل والإيد سند للإيد.
والكتف بجوار الكتف.
ولقيت الخير.
لو كل الناس بتحب الناس.
ونظفنا القلب من أحقاده
لا لقيت يتميم ماشي.
بيشحت ولا متسول عايش
على غيره ولاحد بيبص لحد
بعينه الشريره وإتمحت الغيره
القتاله من جوا قلوبنا.
بمحايه عادي وبيصير لو فيه
جوانا حبة ضمير.
لو كل الناس حبت بعضيها.
هتلاقي الإيد ال تطبطب.
بدون متاخد منك معروف.
ولاتاخد منك حق لمعروفها.
ولا شوفت الخوف.
من بكره ال جاي بتعاتيره.
ولا شفت أكسوف من حد يعايرك
بفقرك ولا كان في ظروف.
زمان كان الجار بيخبط
على جاره لو مرة
ملقهوش قاعد قدام
بيته لو مد له إيده عشان
قرش يداينه يديلوا ألوف.
زمان كان الرغيف بيتقسم.
على بعضينا أربع أجزاء
والكل بيشارك بلقمة وبصلايه
وحبة مش وعودين سريس
وعودين جرجير وطمطمايه.
والأكل تحسه كتير.
من غير تبذير.
والخير نازل على رؤسنا زي
المطره في أيام أمشير.
لو كل الناس حبت بعضيها.
هتلاقي الفرحه تعم الكل.
وزغروده في بيتي
هتلاقي الرقص في بيت غيري
فرحان لي عشان فرحي
ولو مرة حزنت هتلاقي بكاءهم
سمعني عشان حزني.
ودموعهم نازله على خدودهم
والدمع غذير.
لا هاتشوف واحد يحسد واحد
ولا جواه غل له قاتله
بدون تفسير.
والكلمة بقت ليها معنى
وأمان وحروف الشعر.
وبيوته نخصصها للغول
ال بياكل قوت الناس وفاكر
نفسه إن دا حق ال ورثه
له أبوه بدون تفكير.
هتلاقي الشارع الضيق واسع
جدا بيسع الكل وتلاقي
الصاحب لما يشوف صاحبه.
ياخده في حضنه ويشد فيه
عشان يقعد خايف لايسيبه
ميلقيهوش مش كل حياتنا
النهارده بنشوف وشوش بتتغير
بمليون وش وألف قناع.
وفي ثانيه تلاقي عشان
مصلحته يسيبك في السكه
تمشي لوحديك أو برخيصك
باع وتشوف ال مكنتش عارفه
وتلاقي ضياع.
لو كل الناس حبت بعضيها
هتلاقي الخير بيعم الكل
والزوجه بتحب الزوج وبتشيل
همه والابن سند لأبوه.
ولو مرة عرفه مصلحته.
بالفم المليان يقول حاضر يأبوي
فأبوه لو رضي عنه ودعا له
صعب لو مشي في طريقه
إنه يتوه هتلاقي الدنيا
قامت جت له وقالت له خد
مستقبل وحقق حلمك
بفضل دعا أبوك ليك.
هتلاقي الإيد تشبك في الإيد.
هتلاقي همومنا راحة منا
والراحة إنتشرت جوانا وتلاقي
براح وتلاقي نفسك التعبانه.
رايقه ومرتاحه والبال
هادي ومرتاح.
هتلاقي الكره بقه لوحده
وبسرعه من جوانا
في ثانيه ساب قلوبنا
و إنزاح.
لو كل الناس بتحب الناس.
3/9/2023
(ترنيمات وخواطر.بقلم...........)
ليست هناك تعليقات:
إرسال تعليق