استراحة شعريه
للمدلل نذر بس كون ا يدي تلوحه
يعجبني بيه الغزل وتتلاك روحي بروحه
تروحله فدوه العدَ ولي ما يحب يشوفه
كلة على بعض حلو مزيون ترف جفوفه
يسحك على روحي سحك فرحان ما لومه
ريت الفرح دايم اله ومرتاح بعلومه
تفاح ومخدد حلو لبناني هذه فنونه
رموشه على عيونه سمه مفيات لعيونه
ياطير طاير بالسمة يلما يلزمونه
دلوني وين اهله يبه بلكة يبيعونه
الحيل مني كضه مساهر على دروبه
وانتظر يمت يمر بسكون عيني شوفه
شباج ومذهب حلو والروح يمه طوفه
وخاف العمر يمر وننحرم من الشوفه
يابو تراجي ذهب وضوي على زلوفه
كلي يبه شنهو البصر وشلون ننهي القصه
وانت ولاجنك تحس ماتنطي شوية فرصه
وانا على الجمر احترك راحت علىّ الحصه؟؟؟
بقلمي فاضل علي العبسي
ليست هناك تعليقات:
إرسال تعليق