دقه أمل (608)
...........
وعدا الليل ولا دق
الهوى ع الباب
حيره و غيره
وصمتي ينادي
كلي عذاب
شهور والأيد على خدي
بكلم حالي أخد وأدي
ونسمه ليل تيجي لبابي
وتسأل فين راحوا أحبابي
بقاللنا كتير ما شوفناهم
في حضن البعد
نساهم في ناس دايبه في سهر الليل
ودقه قلب ليه خايفه من بكرة
وبكرة ده فين
أنادي الطير يواسيني
ويحكي الأه في مراسيلي
لقلب حبيبي وأوصل له
وشوف ليه شوقي ما وصل له
أمانه تقوله فين بابنا
وترسم بعده وعذابنا
وقوله ألواني عكس الحال
ورد خدودي دبل فى الحال
حنان مفقود وغصن وعود
عايش أمله
في يوم هيعود
بقلم .. صبري رسلان
ليست هناك تعليقات:
إرسال تعليق