عامي
*الحزن ورقة نصيبي*
عند ما شرعت باب الخزيني/ة
شفت إيام ألوانا حزيني/ة
سنة بعدا سنة مرءت كئيبي/ة
بكي قلبي على صرخة أنيني
طلعلي هالحزن ورقة نصيبي
عيوني شربت اليم سنيني
عشت أوقات شو بشعة ورهيبي/ة
مشي عمري على ضهر السفيني/ة
حواسي وين ما رحت غريبي/ة
جروحي شو بقي منها دفيني/ة
بعدني ما شفت مرة طبيبي
جرح بعدو جرح يلا عطيني
مرء عمري ولا صقع لهيبي
بقي حدي بشعر أبيض حنيني
ألف مرة صرت قايل قريبي/ة
وقفت ناطر قدر يحمل رسالي/ة
تعا يومين شي فرحة عطيني
علي شمس الدين
ليست هناك تعليقات:
إرسال تعليق