يامصوراتى صورنى وكبر الصوره
أنا إبن شبرا وأوبرا ودهشوره
وأنا إللي صاحبت رموز الفن والكوره
أسهر ليلاتى ويا العيال السيس
وأنا اللى كنت الرئيس
فى شله المظاليم
نعيش ب ملاليم
ونستحل أجدع رصيف وبندوره
ساعات تشوفنى في حفله زار
وساعات تشوفنى ويا الكبار
نتعشى في مقصوره
يامصوراتى أمانة
كبر شوية الزوم
يمكن يجيلهم يوم
ويرجعوا الصورة
سعيد الضو
ليست هناك تعليقات:
إرسال تعليق