بنصحك
قبل الجواز وقبل
الفأس ماتقع في الرأس
أسمع كلام الناصحين
الحياة منذ آدم
راجل وست كل واحد
له وظيفةوهم متكاملين
والحياة بينهم
مودة ورحمة وسكن زي
ماأمر وقال رب العالمين
لوقالولك خدها
بميت راجل أنت محتاج
انثى ميت راجل متعبين
أياك تتجوز المسترجله
يبقى راجل وراجل
وتبقى واقعة زفت وطين
يبقى جوز ديوك
في عشة كاك وماك
وتبقى مركبة ليها ريسين
تبقى عيشه نكد و كمد
وتبقى جوازة الشوم
والندامة وخيبة السنين
قلت لك كده الخلاصة
حطها حلقة في ودانك
وكنت لك من الواعظين
شاعر العامية/ عبد المنعم حمدى رضوان
ليست هناك تعليقات:
إرسال تعليق