اسمع ..يا واااد...بقلم الشاعر منصور أبو قورة

 اسمع .. يا واااااد .. !!    

لو هتعيش حياتك

يا واد ..  

شمااااال  

وتسيب طريق الموحدين 

اللى هو .. اليمين  

هتعيش .. يا واد 

بين  الولاد 

تايه .. حزين 

ولو .. ف يوم ..

العمر طال .. 

هتلقى بيك ..

البخت مال 

هتقول يا مين .. ؟!

ومين .. ومين .. ؟!

ولو حلفنالك ..

ع   100 يمين .. !! 

إنك يا واد ..

عيشتك .. محال

ومانتاش أمين .. !!

ما راح تصدق ..

كلام   مؤمنين .. !! 

عيش يا واد ..

بالوداد 

ومال .. حلال 

خلى ... مالك 

عذب ... وزلال

حط راسك 

بين  الطيبين 

وعيش يا واد ..

جوا الدواير 

أوعاك ف يوم 

تخطى .. الأشاير

ولا تمد خطوة ..

ف طريق كل داير 

واسمع كلام المصلحين 

عيش يا واد  ...

ع نور النصايح 

لو عايز ف يوم ..

تبقى فالح

قول .. ااااامين 

لكل كلمة ..

ترسم طريقك 

جوا المداين

جوا الجناين

وربك  معين 

خليك جريء 

على فعل الخير 

ما تكونش خاين

وابعد عن طريق 

كل .. شاين

مزروع .. شر 

نهايته .. يا واد 

هتكون حريق 

مليان جنانى وتعابين 

فهمت يا واد ... ؟!

ولا اقول وأعيد .. ؟!

ف الكلام .. وازيد 

خليك .. أمين 

لابس توب المتقين 

تعيش .. سعيد 

والخير هيجرى ...

ما بين إيديك  

والسعد يخبط ..

ع البيبان 

ويجرى معاك 

ف كام وريد 

مع الطيبين

ولا .. ف يوم يا واد ...

تعيش ... جعان 

ولا اشوفك يوم جبان

ولا .. ف يوم ..

تعيس .. حزين 

خليك .. أمين 

اوعاك يا واد ..

تقول البخت مايل

وتعيش تعيس

والقلب يبقى ...

مليان أنين 

وتموت الأغانى 

فوق  القناني .. !!

دا   العمر جاى ..

وفجر الأمانى 

وبسمة أمل 

ع المراود 

مزروعة فدادين حنين 

اوعاك يا واد ..

تسلم لليأس قلبك 

وتعيش ف ضلام الليل 

وتسلم للمستحيل ..

أملك

وتصبح .. ضنين

تنام على جسر الجراح 

وتتغطى بلحاف الفشل

وتقول الله ...

دا .. النوم  جميل 

والليل  .. أمين

اوعاك يا واد ..

تغمض عينيك

عن نور الصباح 

ونسيمه العليل 

زى الرياحيين

وتهيل ع كتافك 

تراب الخمول 

ويجرح عينيك ..

بكا ... وعويل 

وتقول الحمل تقيل 

وتغنى للحزن  مواويل 

وتعيش حزين 

خليك يا واد ..

طيب .. وأمين 

تعيش سعيد 

وتكون .. جميل 

بريحة الورد

والياسمين 

الشاعر /  منصور أبوقورة