( حرقت حزني)كلمات/صبري حسين
بدور علي حاجة
ضايعة مني
فرشت علي المكتب اوراقي
اوراق كتيرة قصادي
عيني وقعت علي ورقة
مطوية بعناية
رغم انشغالي باللي بدور عليه
الفضول أخذني
بدون إرادة مني
مسكت الورقة
فتحتها بهدوء
جسمي كل اتزلزل
افتكرت ذكريات صعبة
فرت من عيني دمعة
بدأت استجمع قواي
بدأت أقرأ
مع كل حرف
الصورة تكتمل قصادي
المشاعر اتحركت جوايا
كأني لسه كاتبها
معقولة الاحساس ده كله
باجمل الاوصاف وصفها
كل كلام الحب كاتبه لها
رجع من تاني توتري واطرابي
خارت قواي
رجلي مش شيالني
معقولة بعد كل ده الحب تبعد عني
ازاي قدرت تهجرني
بدم بارد قتلتني
ازاي ما رحمتش دموعي
جابت كل القسوة منين
احنا عمرنا ما كنا اتنين
كنا قلب واحد بجسدين
اقرأ والذهول واخدني
مش شايف حاجة قصادي
ندمت علي فتحي الورقة
طبقت الورقة
رجعتها مكانها
بسرعة مسكتها من تاني
طلعت علبة الكبريت من جيبي
حرقت الورقة
ومعاها حرقت حزني
هزمت ضعفي
صممت من تاني
ارجع لنفسي
ليست هناك تعليقات:
إرسال تعليق