(قسمتي ونصيبي)كلمات/صبري حسين
من أول ما شوفته
حسيت بمشاعر حلوة ناحيته
قلبي جري عليه
كنت بخاف عيني تقابل عنيه
لما يغيب دايما أدور عليه
ياما دعيت في ركوعي وسجودي
أنه يكون قسمتي ونصيبي
كأن باب السما كان مفتوح
لاقيته بيكلمني بصوت مسموع
كلام كله وضوح
بيكلمني وهو بيضحك
بيقول لي أنه بي معجب
أنه حاسس ناحيتي بالحب
اني سكنت القلب
عايز يتعرف ويطلب القرب
لانه ابن حلال عايز يدخل من الباب
قال بكل أدب
أنه ملهوش في شغل العيال
عمره ما يعرف طريق الشمال
عايز مني يتقرب
يتعرف علي اكتر
سمعته وانا قلبي من الفرحة طائر
كلامه حرك جوابا كل المشاعر
مايعرفش أنه هو اللي في البال والخاطر
بيتكلم بصوت كله حنان
صوته نغمات كمان
يا كل الجمال
قلبي اليك مال
دائما علي البال
يا كل الرقة والدلال
ممكن كم سؤال
محتاج عليهم إجابة
علشان اجيب الأهل والاحباب
وعلي اهلك ندق الباب
عايز الاغراب يبقوا أقارب
الله علي أمره غالب
سكت من الفرحة
عيني جادت بالدمعة
مش قادرة اطلع صوتي
هموت من كثوفي
غلبني خوفي
لحظات استجمعت كل شجاعاتي
اتكلم قلبي قبل لساني
انا كمان بك معجبة
لنفسي مش مصدقة
للي بيحصل مش مستوعب
انا فعلا بك مغرمة
لكن لازم اكون معاك صادقة
قبل اي حاجة
عايزة اعرفك انا مش آنسة
انا امرأة مطلقة
نطقت الكلمة
وانا عيوني مغمضة
خايفة اشوف الرد في عنيه
رد. اندم عليه
قال ليه باعدة عيونك علي
بصي دققي في عيوني
قال ايه المشكلة
انك مطلقة
فاكراني هاغير. رأيي
لما اسمع كلامك
اسيبك واجري
قلبي هو اللي اختارك
لا قراري ولا قرارك
نفسي اعرف
فين القضية
هي المطلقة
ناقصة حتة
انت انسانة كاملة
جايز كنت ضحية
مش معني الفشل في تجربة
نوقف الحياة عندها
الطلاق شئ أحله الله
علشان يكون نجاة
من عيشة ماسأوية
الطلاق مش نهاية
ممكن يكون بداية
لحياة وردية
حياة علي الحب والاحترام مبنية
الطلاق عمره ماكان جريمة
الطلاق تصحيح مسار
نقطة من اول السطر
بعدها نبدا حياة جديدة
حياة فيها سعادة أبدية
بسمع كلامه
وقلبي بيرقص من الفرحة
سامعة دقاته
معقولة اللي انا سمعاه
آه يا فرحة قلبي
اخير هلاقي
اللي يعوضني
عن كل متاعب حياتي
اللي هيرجعني تاني ثقتي في نفسي
اللي بحبه وحنانه يحتويني
يا هناي وساعدي
يا حبيبي
انا كمان أوعدك
اني عن كل شئ هعوضك
هكون لك مصدر لكل السعادة
اكون لك اخت وصديقة
حبيبة وزوجة مطيعة
هكون لك كل الحياة
انا حسيت معاك بالأمان
وعد مني ارويك من الحنان
لو تعرف أد ايه كلامك فرحتي
رجعني تاني لنفسي
صالحني علي ايامي
انا يا ما شوفتك في احلامي
دايما عايش معايا في خيالي
ياما دعيت ربي
تكون قسمتي ونصيبي
كنت دائما بكلم نفسي
هو ده اللي يسعدني
ده فرحة قلبي
هو ده حبيبي
اعظم هدايا ربي
اعترف لك يا حبيبي
انت فارس احلامي
انت حبيبي
نبض قلبي
لك كل حبي
ليست هناك تعليقات:
إرسال تعليق