إحنا المجانين (569)
.................
وعدا العمر كده بينا
ما بين فرحه وليل أحزان
وثوب ضيق مفصلنا
لكدب حياة نصدقها
بألوان غش مع أوهام
ومين صادفه المقاس قده
تماللي عايش لي فى الأحلام
لا شاغله إزاي بيحسبها
وأيه حالته وليه ده بكام
بيصحى يقوم ينام تاني
ما بيصدق تفوت أيام
وده دايق المرار طافح
خريفه يادوب يغطيه إن نام
بواقي لعمر مش حاسه
ما يوم بيجر شهر وعام
ومين كان ناسي تاه منه
في زحمه عايشها بالمجان
شافوه مجنون ومين قده
ده صمته ميزان وعقله كمان
ومين فينا اللي ما إتهزش
وشعره يادوب
ما بين ده وكان
ما إحنا ودول ودلهما
عايشين فيها لينا مكان تاهت مني مانيش فاكر هي الدنيا عنبر كام
بقلم .. صبري رسلان
ليست هناك تعليقات:
إرسال تعليق