كانت بيضة بشعر ليل
وكان أسمر بلون النيل
تشوف بكرة ف عيونه
وتنور ليلها كالقناديل
تشد ف حيله وف عونه
يعافر ولا مرة يميل
وحالف عهدها يصونه
ويغنى ف حسنها مواويل
يوافق عقلها جنونه
ويعدى بيهم ألف ميل
يحزن قلبها بدونه
وتبكى من دموعها سيل
يسابق عمره ليخونه
عشان يهديلها بكرة جميل
وتزرع حلمها ف كونه
فيطرح م الزهور أكاليل
ومحلف زمنه مايهونوا
مهما كان ليله طويل
ياترى يابكرة هيكونوا
ولا هتبقى يأس وويل ؟!
سلوى محمود
ليست هناك تعليقات:
إرسال تعليق