.........(الكتاب)........
من غرامي في الحروف
في الكتاب أقرا وأشوف
في السطور بطل أطوف
بالغرام أو بالدفوف
أكشف المتداري فيه
لو روايه في الغرام
والبطل كان آلعبان
أبقى أنا بدر التمام
وأركب على ضهر الزمان
أخلي فعل الآلعبان يندم عليه
كل صفحة أفتح لي باب
بالهيام آو بالعذاب
في المدينة في الثراب
كل حرف من الكتاب
ألبس الشخصية فية
لو بطلنا بالحنان
كان بيعشق ماينام
بإيدي أمسك فيه آوام
وقول لنفسي جاه آوان
أبقى أنثى بين إيديه
القراءه نور يخلي
كل واحد يعرف اللي
اللي عدى واللي إللي
لسه حاضر أو يولي
كان وعايش شكله إيه
باب ومفتوح ع اللي فات
واللي جاي بذكريات
واللي كان مرتاح ساعات
أو يادوب عايش شتات
كان بطل والا' سفيه
الكتب فيها العلوم
فيها كنت إزاي تكون
منظار على كل لون
فيها مين كان فيه سكون
في الحياة ومين جنون
ومين يدوم لو زماننا جار عليه
بالقراءة تشوف مافات
تعمل القادم لغات
تعزم الشمس في ثبات
فوق القمر تعمل بيات
بكره ماتخافش اللي فيه
............(شعر).........
ليست هناك تعليقات:
إرسال تعليق