أنا فين (837)
.........
ده ما حدش شافه اللي ما قاللي
حرصي ليخونك
دي عيونه دي قادره إنها تغدر
ولا همه وجودك
مش فارقه معاه بيضا ولا سمره
وصحيحه ظنونك
كلما بقرب له بينكر
وأنا فين في عيونك
مبقاش فيه ليل إلا سهرته
على شهد هنايا
خلصت غرام قلبي الطيب
وحنين في لقايا
طال صبري عليك ويا حزن لفين
والروح دبلانه
ده الحب معاك طعمه إتغير
له سنين ما سقايا
عطشانه الشوق ولإمتى هدوق
في مرار جوايا
ويا دمعه عيني أنا محتاجه
تواسيني كفايه
الشك خلاص غصب عني
حكاياته حكايه
أهرب من ليله لليل تاني
وفراقه بدايه
أغزل ثوب قلب على مقاسي
وأعيش دنيايا
ولا عدش له ذكرى الله يعينا
نسيناه ونسانا
لا عتاب وملامه ومين يسمع
شكوايا إلا أنا
بقلم .. صبري رسلان
ليست هناك تعليقات:
إرسال تعليق