° خف .. تعوم °
===========
عملولي البحر طحينه
وقالو لي إتفضل عوم
الدنيا بجد جميلة
ومليانه سمانا نجوم
°°°°
والرزق يحب الخفية
من فضلك بطل نوم
انا قلت أجرب مرة
كسلي مالوهش لزوم
°°°°
يمكن تصدف وتزهزه
ونعيش سُعدا كام يوم
اتاريهم باعوا الوهم
وبجد عايش مصدوم
°°°°
ما لقيت في البحر طحينه
ورجعت ياناس مهموم
وعرفت إن اللي يسلم
ودانه لغيره.. يلوم
°°°°
نفسه ويحصدها ندامة
ويعيش في الآه مكتوم
شمرت إيديا وقلت
مفيش في الدنيا غيوم
°°°°
هابني طريقي بإيديا
والسعي فرض ويدوم
وأنا أصلي مبستسلمش
وبعمل بنصيحة أبويا
لو يوم يابني وقعت
لازم من تاني تقوم
°°°°°
قلمي
م. حمدي توفيق
ليست هناك تعليقات:
إرسال تعليق