عمرك بيجري
ــــــــــــــــــــ
أشعار / ياسر عبد الحميد
ــــــــــــــــــــــــــــــ
مسجون يا سيل المشاعر
من بين سدود القلب
منعوا كلامك يا شاعر
و جنوا عليك بالكدب
قالوا عليك فنان
أخدوك لنفس الدرب
ماشي ف طريق حرمان
تسمع نباح الكلب
لما عمرك يجري.بيك
و سنينك تفوت
و الكلام يخلص معاك
و الباقي السكوت
كل لحظة تمر
في سنينك شايفها
ولا انتو فاكرين الكلام
جايز يموت
تتسند علي ذكرياتك
ما تلاقيش
تفتكر كل اللي فاتك
ايه ،، مافيش
ما تقابلش غير اهاتك ،،
في الافيش
و ضحكة ساذجة بصوت وجع
مابتنتهيش
لما صبر القلب زاد
في الطفح كِيلُه
سيبكو مني و غصب عني
انا راح أشيله
لسه باقي مني شئ
هنا شايله ليا
عيد الضحيه الكحك فيه
محال تنوله
ــــــــــــــــــــــــــــــــــــــــــ
ليست هناك تعليقات:
إرسال تعليق