*****(( شو حُلو كاسِك ))*****
تنَدَمت شو أكتُب وأنا نَدمان
إني عَرَفتِك وعرِفِت حالِك
الصورة نَتَفتها وأنا زَعلان
والحُزُن مِني مو على فراقِك
ياما نزِلتي مَعنا للوِديان
وتِحكي مَعي تبوحي بأسرارك
كُنت أحكيلِك أنا عَطشان
تِسقيني مَي وشو حُلو كاسِك
كُنا نجوع نوقُد النيران
تغَني ونِطرَب على مَوالِك
الزيت والزَعتَر مع الرمان
والطيب كُله بقَلب خُبزاتِك
ليه تَرَكتيني قاصدة عَمان
والجِسِر يِرعِد تَحت أقدامِك
تاكَدِت إنه القَلب من صوان
شو قاسية عالقَلب نَبضاتِك
لا ترجعي بلادي انا تَعبان
حابب أعيش كثير بِغيابِك
بَعبِد بلادي الارض والانسان
يا ريت لو بِتغيري طباعِك
..بقلمي..ياسين مصطفى بكري...
ليست هناك تعليقات:
إرسال تعليق