كلمة و حدوتة
ـــــــــــــــــــــــــ
أشعار / ياسر عبد الحميد
ــــــــــــــــــــــــــــــــــــــــ
يا سنينا الدايرة الكتكوته
زي البنوته اللي بتلعب
وخدانا ف كلمة و حدوته
و بقينا خلاص وسط الملعب
السما بتمطر في عنينا
و البرق بيكتب أسامينا
و الشمس أصيلة تدفينا
دايرة احكام مالهاش مَهرب
و شبعنا كلام مالهوش معني
و ركبنا الوهم و رجعنا
و الصبر جميل لو ينفعنا
كنا ملينا كاساتنا و نشرب
يا سنينا الشابة الكركوبة
عكازك كعبل سِكتنا
بيفوت أمشير يدخل طوبة
و البرد بيسكن جتتنا
و بنفتح شبابيك مقفولة
مع زرعة قدام عتبتنا
نلقي الأيام بالنور دافية
و الدنيا براح مش بالعافية
و زمانا يكافئ ايامنا
بقلوب صافية و تكون وافيا
بننادي الخير اتفضل عيش
و نقول للشر يروح ما يجيش
و بناكل عيش لجل نكمل
و بنتسابق و احنا الحرافيش
ـــــــــــــــــــــــــــــــــــــــــــــــــــــ
ليست هناك تعليقات:
إرسال تعليق