داء السكوت
ـــــــــــــــــــ
أشعار / ياسر عبد الحميد
ــــــــــــــــــــــــــــــــــــــــ
ملعون يا كل العشمانين
ملعون يا دا ء السكوت
حايشين لسانكم من سنين
متحنطين جوا التابوت
عَجز العَجوز خلاك
ما انتاش في عز صِباك
محتاج لضِل ملاك
وتعيش علي الفطرة
و الدنيا فيها شباك
أصلا مافهيش شايفاك
و الستر من مولاك
لو كنت يوم نَكرة
عشمك في رب الجود
يعطف عليك و يجود
و الجوده م الموجود
سبحانه في القُدرة
اوعاك لا تسأل ناس
لا يصيبك الوسواس
خُد حِكمة من وَناس
حافظ علي العِشرة
ــــــــــــــــــــــــــــــــــــــ
ليست هناك تعليقات:
إرسال تعليق