*** تحكي إنت ولا أنا ***
********
تحكى إنت ولا أحكي
أنا
ده أنا لو حاكيت
مايكفنيش الكلام عنك
سنه
أصلك كتاب
فيه كل باب
أنا عشت فيه
حب وهنا
بطعم تانى
بكل الأمانى
حدد وقول
هتحكى إنت ولا
** أحكى أنا **
***
مستحيل
لا الورق ولا السطور
يكفيها حبر كل البحور
فى الكلام لو بس عنك
مهما أكتب مش هلاقى
وقت اوصف فيه اشتياقى
وأنا عندى كتير لسه باقى
هوصف حبيب وصاحب
وقريب وأخ وضنا
حدد وقول
هتحكى إنت ولا
** أحكى أنا **
***
يا ترى
بيحسدونى على إنى
فاكره
تفاصيل السنين
مايعرفوش إنى زيك حاله
نادره
مذاقتش غير طعم الحنين
لا نعرف ملام ولا عتاب
ولا أتقفل جوانا باب
فاتحين قلوبنا للحب وبس
** بختصار **
بالنسبه لينا هو الهوا
حدد وقول
هتحكى إنت ولا
أحكى أنا
** ولا نحكى إحنا سوا **
كلمات. /عادل النمرسي
ليست هناك تعليقات:
إرسال تعليق