عشان منكم
ـــــــــــــــــــــــــــــ
أشعار / ياسر عبد الحميد
ــــــــــــــــــــــــــــــــــــــــــ
يا خلق الله ،، دي تبقا حياه
كَفانا نعَلي في الواطي
بقالكو سنين عشان تايهين
دماغكم غايبة بتطاطي
بياخد منكو أفكاركم
و يستهتر بمشاعرهم
و بيقول أن انا منكم
و صاحب الفكر كان راضي
مايشغلنيش كلام فاشل
ولا طبال لشأت جي بي تي
ولا شلة من الآخر
تسقف ليه عشان ترضيه
ماهو الكداب في فتح الباب
مالوش مفتاح
عنيه بتبص علي غيره
و يستعرض في تغييره
يعيش و يقول مافيش غيره
و يستعطف كتير رواح
و بيجاري ف كلام معناه
و يحلف أنه ليه و لقاه
و يستهتر بخلق الله
و يسرق في الكلام مرتاح
حرامي الفكر و الصورة يا شطورة
ما يعرفش يكمل فكرة للآخر
يلف يدور كما الدبور في تنورة
عشان كدبه مالوش آخر
نقول جايز يعيشله يومين
و مش دايمين
عشان الكدب من يومه
مالوش رجلين
و يستعرض في تفاصيله
كأنه خلاص مافيش غيره
دي قله حيله و كبيره
بيتدحلب ما بين الناس
و في الأحساس
يبوس في ايدين
ـــــــــــــــــــــــــــــــــــــــــ
ليست هناك تعليقات:
إرسال تعليق