اهل الصحاب
ـــــــــــــــــــــــ
أشعار / ياسر عبد الحميد
ــــــــــــــــــــــــــــــــــــــــــ
يا عم سيبك ،، يا عم سيبك
الكل كان عامل حبيبك
آخر المتمة ، بيبقوا لمه
يزموا فيك,,و يعروا عيبك
يا عم سيبك ،، يا عم سيبك
مساكين يا أهل الصحاب
شايفيني باخد إحساسهم
و اني يذاكر كل دروسهم
دول فعلا تايهين
مساكين يا أهل الصحاب
لما عليا يشمو نَفَسهم
ما اعرفش انا ايه راح ينفعهم
ولا واخد علي طبع نفوسهم
أنا بالطبع حزين
مساكين يا أهل الصحاب
زمو عليا و كنت شايفهم
و انا من بدري بقول أعرفهم
كنت يجامل و اضحك ليهم
شوفت الغل في صمت وشوشهم
ناس فاشلة و خايبين
مساكين يا أهل الصحاب
شايفين الدنيا بمشاكلهم
ينقضوا ،، في ناس بينسو ف حالهم
مش شايفين غيرهم بيحس
و النقص معاههم كملهم
و غبائهم بقا يملا العين
مساكين يا أهل الصحاب
كنت بقول ناسي و احباب
انا مش ناسي فتحت الباب
ما استخسرتش فيهم البسمة
و القسمة إني ماليش في عتاب
ولا ليا أصحاب اخوات دايمين
مساكين يا أهل الصحاب
. ـــــــــــــــــــــــــــــــــــــــــــــــ
ليست هناك تعليقات:
إرسال تعليق