مافيش فايدة
ــــــــــــــــــــــــــــــــ
اشعار / ياسر عبد الحميد
ـــــــــــــــــــــــــــــــــــــــــ
كتبت الشعر من أمتي
و بتقول أن ليك مرسي
ف بحور و شطوط
و تستفعل و تستفعل وتتفاعل
تلاقي الشطر مُتفاعل
و تليفونك ما فوهش خطوط
في بحر بسيط تدور و تزيط
عاوز نغمات مافيش رنات
من الوافر توفرها وتدركها
و لو بالعافيه هات القافية و أُحبُكها
و إقدح في زناد فكرك و شوف عمرك
ما بين شِله. و رُش الملح ع القُلة
عشان الأرض فيها أبراص ،،
تلاقي الناس بتتسلي
بكلام الناس ،،
تشوف تمثيل لناس تماثل بتتكلم
و ياما نشوف و نتعلم
و في العرض البطل قِلة
عشان راكب في دور مش ليه
و تعمل ايه عشان ترضيه
تسقفله بيتكبر و يتمنظر
و يتحول لأعظمهم و يتغير
و لو شوفتوه يا خلق ياهوو في ترتيبه
و صاحبك برضه علي عيبه
ما بين نفسك تقول في الشعر موالك
و تحلف أنه مالهوش فيه ،،!!!
مافيش فايده ،،
عشان الحكم ع الأفكار
مافيش فايده ،،
و لو صهروا الجليد بالنار
و مهما تكون من الأحرار ،،
و لما تقابل الثوار ، تلاقي الموقعة باردة
مافيش فايدة
. ــــــــــــــــــــــــــــــــــــــــــــــ'
ليست هناك تعليقات:
إرسال تعليق