. أهل الكلام
ـــــــــــــــــــــــــــــــ
اشعار / ياسر عبد الحميد
. ـــــــــــــــــــــــــــــــــــ'
يا أهل الكلام و القول
كل الكلام قولناه
و اللي ما يعرف قول
يسأل علي معناه
كلامنا زي الدهب.
ما يطفهوش اقوال
و أن يوم أصيل إتغلب
يرجع يشيل أحمال
دا الواطي مهما شبع
بنشوفه متعري
أما الأصيل أن جاع
في صيامه هد جبال
كدبنا نفسنا ،،
و قولنا ما نعاتبش
و نسينا حزننا ،،
و الوش ما اتقلبش
و جينالكو بقلب صافي
بنمد الايد نسلم
نتمني حضن دافي
نتمني الشوق يعلم
اتاريكو ما كانش ليكو
و الخير ما طمرش فيكو
نفسي اترحم عليكو
و انسي اللي كلامه نتش
كدبنا نفسنا ،،
و قولنا ما نعاتبش
و نسينا حزننا ،،
و الوش ما اتقلبش
كنتو الدنيا و ما فيها
كنتوا القلب الحنين
و همومي حكيت عليها
ولا فيكم حد بين
اتاريكم كنتم عيرة
في الخير ولا جيبتوم سيرة
في الكُره ليكم مسيرة
و انا ليه طيب ما اعرفش
ـــــــــــــــــــــــــــــــ
ليست هناك تعليقات:
إرسال تعليق