*** هسمعك ***
*****
هسمعك
بس بعد ما أحس إني
محتاجه أسمع
ليك وأجمع
كل اللي فات
من ذكريات
اللي بيها قلبي ودعك
واللي بيها يمكن أسمعك
بس بعد ما أحس إني
محتاجه أسمع
ساعتها
* هسمعك *
الم اللي راح خلاني
أعيد اللي فات من تاني
وادقق في الحروف
وفي كل كلمه وحوار
أو لحظه إنتظار
ورطني فيها الكسوف
خلاص يا قلبي رافضه
أي شيء يوجعك
وهدي فرصه ليك
أيوه ليك
* واسمعك *
هديك فرصه ثانيه
واعتبرها دي الأخيره
مش عايزه أعيش تاني
في شك وخوف وحيره
عايزه أبقي في أمان
نفسي يملي المكان
حب واشواق وروح
ونسيم منين ما أروح
يملي حياتي أنا
ودي امنياتي
وشرطي الوحيد
عشان
* أسمعك *
ليست هناك تعليقات:
إرسال تعليق