لساكي بتصدقي
ــــــــــــــــــــــــــــــ
أشعار / ياسر عبد الحميد
ـــــــــــــــــــــــــــــــــــــــ
لساكي بتصدقي
و تقولي عشقاني
لساكي بترددي
شيفاك في وجداني
و حاجات في الذكريات
مضمونها في كياني
و نسيتي في كلامك.
مين اللي بكاني
لساكي في مشاهد.
بتكملي عليا
في سيناريو كان شاهد
ع اللي غدر بيا
حتي في دور البطولة
جواكي مش هيه
و في غلطة منك لقيت.
حبك بقي أناني
لساكي بتجددي.
لعبك و تلوينك
تتذكري في معبدي.
أصول تفانينك
الكل بيصدقك.
و كتير مطاوعينك
رغم اني شايفك شيطان.
بقراكي من عينك
أنا اكتفيت بالمشاهدة
و اخدت منك درس
قلبي اللي عاشك مشاهده.
بعتيه اوام. بالبخس
بتذكرك تفاصيل
مافيهاشئ يتحس
أو سلعة خسرانه.
بارت في وقت ، الرخص
ــــــــــــــــــــــــــــــــــــــــــــــــــــــــــــ
ليست هناك تعليقات:
إرسال تعليق