بركان الضرة (382)
....................
كده صعب عليا
إني أتحمل
وأقبل بالضرة
ناوي تخليني
أنام وأصحى
على عيشتي المره
خليك كده فاكر وإتحمل
كل ما يجرالك
لا هشفي وهسلخ
ولا أكيس
دي قديمه عشانك
حبه تحابيش
من كيد نسوه
واريني شطارتك
إعملها إن قادر
يا سي روميو
وإكسر في إشارتك
مالك عداد عمرك
واقف
يحسب في خسارتك
هتعد مؤخر ولا نفقه
تمكين لي فى مسكن
هتكمل مشوارك دايخ
يا إستسلم أحسن
بقى أخره صبري وحرماني
بتبيع في شاريك
وليلاتي فى حضني
ولا باين الغدر ده فيك
أيامك مش باينه
إنها كحلي
مين داعي عليك
أحسن لك تنفد وبجلدك
وتقول يا فاكيك
سواطير النفقات وخلافه
مسنونه عشانك
جايلك فيه خلع
ناحل وبرك
كوابيس في منامك
ركبك بتخبط سامعينها
شوفت اللي جرالك
ما تفوق يا سي روميو
وقول نادم
وإرضي أم عيالك
بقلم .. صبري رسلان
ليست هناك تعليقات:
إرسال تعليق