كلامنا ،، كتير
----------------
أشعار / ياسر عبد الحميد
-------------------------
كلامنا كتير ،، شهيق و زفير
و في المضمون
مع،، الاحلام نشد ،، لجام
نلاقي الحلم صار للغير
و عشان كلامنا كتير
ما بين شهيق و زفير
نص الكلام ،، بيطير
و المطلوب ،، التغيير
حال الجفاف عيشناه
و الوصف ف الي عاناه
و ،،الرك في المعاناه
لكن ،،مافيش تفسير
و بتامل ,,, تفاصيلك
الاقي الوصف بان في كلام
كتير بيحب ،، تفصيلك
صور تشبه افيش افلام
بعدي عليها و اتذكر
الاقي كلام بيتكرر
و منطق كان غريب فيكي
قصص بتعيد حكاويكي
لكن حكاويها فيها خداع
عشان ،، الراوي ،، كان ،، بياع
بكدب ،، مراره ،، متكرر
حاولنا ،، و قولنا ،، نتحرر
و ، ترياقك ،، يعدي علينا يستخسر
نشوف الفرح ،،مش لينا ونتحسر
و احزانك ،، بقت فينا تزيد اكتر
بنتكلم ،، ونتالم ،،و نتعلم
و ياما كلام ،، يمس القلب و يعلم
نلاقي النفس مسجونة عليها سياج
من الشباك ،، نمد ايدينا و نسلم
--------------------------
ليست هناك تعليقات:
إرسال تعليق