ليه دايما فرحتنا مكسورة
و الضحكة جوه صدورنا مقهورة
كتير مش كاملة الصورة
همومنا بتدور زي الكورة
الحب دايما كذاب
و لا احنا اللي جوه قلوبنا الحب غاب
يمكن اختيارنا هو أول الأسباب
و لا انكتب علي قلوبنا العذاب
انا بقول كفاية و نقفل علينا الباب
الوحدة مُرة بس ارحم الف مرة
يمكن فيها نلملم شوية قوة
تعين القلب على القهر و الكسرة
نعيد حسابتنا
نمسح دموعنا
نحاول نداوي جراحنا
كفاية كتير اتعذبنا
تعبت من الغدر روحنا
مهما الزمن هزمنا
الأمل نور يرشدنا لطريقنا
💖إيمان سعيد💖
ليست هناك تعليقات:
إرسال تعليق